09 қараша 2026
Алматыдағы Astana Motors коммерциялық техника зауытында бұған дейін Қытайдан жеткізіліп келген толық жетекті Changan Hunter Plus (Travel Plus) пикапының өндірісі басталды. Жергілікті өндірістің іске қосылуы нәтижесінде автомобильдің бағасы бұрынғы 17 390 000 теңгеден 13 990 000 теңгеге дейін төмендеді. Баға айырмашылығы 3 400 000 теңгені немесе 19,5%-ды құрайды.
Changan Hunter Plus жол талғамайтын мүмкіндіктерді, жайлылық пен практикалық қасиеттерді үйлестіреді. Пикап қуаты 226 ат күшіне тең 2,0 литрлік турбоқозғалтқышпен, 8 сатылы автоматты беріліс қорабымен және 4WD толық жетек жүйесімен жабдықталған. Жүк көтергіштігі 575 келіге дейін жетеді. Автомобильдің жабдықталуына 12,3 дюймдік экраны бар мультимедиялық жүйе және 360° айналаны шолу камералары кіреді.
Changan Hunter Plus көлік құралының типін мақұлдау туралы ресми құжатқа (КҚТМ) ие болды. Модельдің Қазақстанда өндіріле бастауы отандық автомобиль өнеркәсібін дамыту және Changan брендінің ел нарығындағы қатысуын кеңейту жолындағы кезекті маңызды қадам болды.
